पुणे : देशभरातील हातमागावरील साड्या उपलब्ध करून देणाऱ्या टायटन कंपनीच्या तनाएरा ब्रँडचे महाराष्ट्रातील पहिले दालन पुण्यात सुरू झाले आहे. औंधमधील पुष्पक पार्क येथील या दालनाचे उद्घाटन अभिनेत्री श्रुती मराठे हिच्या हस्ते झाले. या वेळी तनाएराच्या चीफ ऑपरेटिंग ऑफिसर राजेश्वरी श्रीनिवासन उपस्थित होत्या.
३६०० चौरस फुटांचे हे प्रशस्त दालन असून, येथे देशभरातील हातमागावर विणलेल्या पारंपरिक वस्त्रशैलीतील साडयांचा खजिना उपलब्ध आहे. बनारसी सिल्क, कांजीवरम, चंदेरी, महेश्वरी, जामदानी, इक्कत, टसर सिल्क अशा विविध प्रकारच्या साड्यांचे असंख्य नमुने येथे पहायला मिळतात.
या वेळी राजेश्वरी श्रीनिवासन म्हणाल्या, ‘दिल्ली, बंगलोर या शहरांमधील आमच्या दालनांना मिळत असलेला भरघोस प्रतिसाद पाहता पुण्यातही आमचा ब्रँड ग्राहकांच्या पसंतीस उतरेल याची आम्हाला खात्री आहे. पुण्यातील आधुनिक, चोखंदळ स्त्रियांना तनाएरा आपलेसे वाटेल याची आम्हाला खात्री आहे.’
